Manoramaonline.com no longer supports Internet Explorer 8 or earlier. Please upgrade your browser.  Learn more »
sponcers

"മലയാളം" സംഘടിപ്പിക്കുന്ന വിദ്യാരംഭവും മെറിറ്റ് ഈവനിങ്ങും ഒക്ടോബർ 19 ന്

vidhyarambham

അയർലൻഡ്∙ അയർലൻഡിലെ  പ്രമുഖ കലാ -സാംസ്കാരിക സംഘടനയായ "മലയാളം" ആണ്ടുതോറും നടത്തിവരാറുള്ള വിദ്യാരംഭം, ഈ വർഷം  വിജയദശമി  ദിനമായ  ഒക്ടോബര് 19 വെള്ളിയാഴ്ച  വൈകിട്ട് 4ന്  ഫിർഹൗസിലുള്ള സൈന്റോളോജി ഹാളിൽ പരമ്പരാഗത രീതിയിൽ നടത്തും. .പ്രശസ്ത സാഹിത്യകാരനായ സുഭാഷ് ചന്ദ്രനാണ് ഈ വര്ഷം കുരുന്നുകൾക്ക് ആദ്യാക്ഷരം പകർന്നു നൽകുന്നത് . മഹാരാജാസ് കോളജിൽ നിന്ന് എംഎ  മലയാളത്തിൽ ഒന്നാം റാങ്ക് നേടിയ സുഭാഷ് ചന്ദ്രൻ , വിദ്യാർത്ഥി ആയിരിക്കെ എഴുതിയ "ഘടികാരങ്ങൾ നിലക്കുന്ന സമയം" എന്ന കഥയ്ക്ക് 1994 ൽ മാതൃഭൂമി വിഷു പതിപ്പ് നടത്തിയ മത്സരത്തിൽ ഒന്നാം സ്ഥാനം ലഭിച്ചു. ആദ്യകഥാ സമാഹാരവും( ഘടികാരങ്ങൾ നിലക്കുന്ന സമയം ), ആദ്യ  നോവലും ( മനുഷ്യന് ഒരു ആമുഖം ) യഥാക്രമം  2001 ലും 2011 ലും കേരള സാഹിത്യ അക്കാദമി പുരസ്‌കാരങ്ങൾ നേടി  .ഈ നോവലിന് കേന്ദ്ര  സാഹിത്യ അക്കാദമി പുരസ്കാരം , ഓടക്കുഴൽ പുരസ്കാരം, വയലാർ അവാർഡ്, ബഷീർ അവാർഡ് തുടങ്ങി നിരവധി ബഹുമതികൾ കൂടി ലഭിച്ചിട്ടുണ്ട്    .

മെറിറ്റ് ഈവനിങ്

വിദ്യാരംഭത്തിന് ശേഷമുള്ള മെറിറ്റ്  ഈവനിങ്ങിൽ ഈ വർഷം ജൂനിയർ സെർട്ട്  , ലിവിങ് സെർട്ട് പരീക്ഷകളിൽ ഉന്നത വിജയം കരസ്ഥമാക്കിയ മലയാളി വിദ്യാർഥികളെ  ആദരിക്കും . ഓരോ വിഭാഗത്തിലും  ഏറ്റവുംകൂടുതൽ മാർക്ക് വാങ്ങിയ 3 പേർക്ക് വീതം മലയാളം പ്രത്യേകം രൂപകൽപന ചെയ്ത മെമെന്റോ സമ്മാനിക്കും. ജൂനിയർ സെർട്ടിനു  കുറഞ്ഞത് 7 A യും ലിവിങ് സെർട്ടിന് കുറഞ്ഞത് 500 പോയിന്റും നേടിയ വിദ്യാർഥികളെ മാത്രമേ അവാർഡിനായി പരിഗണിക്കുകയുള്ളൂ. വിദ്യാർഥികൾ സെപ്റ്റംബർ 30 നു മുൻപായി മാർക് ലിസ്റ്റിന്റെ  കോപ്പി  iemalayalam@gmail.com എന്ന മെയിലിലേക്കു അയക്കുകയോ മലയാളം ഭാരവാഹികളെ  ഏൽപ്പിക്കുകയോ ചെയ്യേണ്ടതാണ് .

ചെറുകഥാ മത്സരം 

പ്രവാസികളുടെ സർഗ്ഗവാസനകളെ പ്രത്സാഹിപ്പിക്കുക എന്ന ലക്ഷ്യത്തോടെ ജൂനിയർ ( 18 വയസ്സുവരെ ) ,സീനിയർ ( 18 വയസ്സിനു മുകളിൽ ) വിഭാഗങ്ങളിലായി ചെറുകഥാ മത്സരം സംഘടിപ്പിക്കുന്നു . രചനകൾ  ഇംഗ്ളീഷിലോ മലയാളത്തിലോ അയക്കാം .ഇവ മുൻപ് പ്രസിദ്ധീകരിച്ചിട്ടുള്ളതാകരുത് . രചനകൾ സെപ്റ്റംബർ 30 നു മുൻപായി iemalayalam@gmail.com എന്ന മെയിലിലേക്കു അയക്കുകയോ മലയാളം ഭാരവാഹികളെ  ഏൽപ്പിക്കുകയോ ചെയ്യേണ്ടതാണ് . ലഭിക്കുന്ന ചെറുകഥകൾ സുഭാഷ് ചന്ദ്രൻ വിലയിരുത്തി, വിജയികളെ പ്രഖ്യാപിക്കുകയും സമ്മാനം നൽകുകയും ചെയ്യും .

കൂടുതൽ വിവരങ്ങൾക്കും വിദ്യാരംഭത്തിന് കുട്ടികളുടെ പേരുകൾ റജിസ്റ്റർ ചെയ്യാനും താഴെ കൊടുത്തിരിക്കുന്ന ഏതെങ്കിലും നമ്പറുകളിൽ ബന്ധപ്പെടണമെന്നു "മലയാളം" ഭാരവാഹികൾ അറിയിച്ചു .

രാജൻ ദേവസ്യ -087 0573885

വിജയാനന്ദ് -    087 7211654

എൽദോ ജോൺ -089 4126421

സെബി സെബാസ്റ്റ്യൻ - 087 2263917

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.