Manoramaonline.com no longer supports Internet Explorer 8 or earlier. Please upgrade your browser.  Learn more »
sponcers

അസോസിയേഷൻ ഓഫ് ഇന്ത്യൻ കമ്യൂണിസ്റ്റ് ഗ്രേറ്റ് ബ്രിട്ടൻ സമ്മേളനം മാർച്ച് 31നും ഏപ്രിൽ 1നും

AIC-5

ലണ്ടൻ∙സിപിഎം 22–ാം പാർട്ടി കോൺഗ്രസിന്റെ മുന്നോടിയായി അസോസിയേഷൻ ഓഫ് ഇന്ത്യൻ കമ്മ്യൂണിസ്റ്റ് (ഗ്രേറ്റ് ബ്രിട്ടൻ) സമ്മേളനം അഭിവാദ്യം ചെയ്യുന്നതിനായി പാർട്ടിയുടെ അഖിലേന്ത്യാ സെക്രട്ടറി സീതാറാം യെച്ചൂരി ബ്രിട്ടനിലെത്തും. മാർച്ച് 31, ഏപ്രിൽ 1 തീയതികളിലായി മാഞ്ചസ്റ്ററിലാണ് ഇക്കുറി എഐസി നാഷണൽ കോൺഫറൻസ് നടക്കുക.

മാർച്ച് 31ന് നടക്കുന്ന സമ്മേളനത്തെ അഭിവാദ്യം ചെയ്ത് സീതാറാം യെച്ചൂരി സംസാരിക്കും. ബ്രിട്ടനിലെ ആദ്യകാല കമ്യൂണിസ്റ്റ് നേതാവും പഞ്ചാബി എഴുത്തുകാരനും കവിയും ട്രേഡ് യൂണിയൻ നേതാവുമായിരുന്ന അന്തരിച്ച  അവ്താർ സിങ് സാദിഖിന്റെ നാമത്തിലാകും സമ്മേളന വേദി അറിയപ്പെടുക. രാഷ്ട്രീയ സാമൂഹിക സാംസ്കാരിക രംഗത്തെ നിരവധി പ്രമുഖർ സമ്മേളനത്തിൽ പങ്കെടുക്കും.

ഏപ്രിൽ 1ന് നടക്കുന്ന പ്രതിനിധി സമ്മേളനത്തിൽ രാജ്യത്തിന്റെ വിവിധ ഭാഗങ്ങളിൽ നിന്നുള്ള പ്രതിനിധികൾ പങ്കെടുക്കും. വിവിധ വിഷയങ്ങളിലുള്ള ചർച്ചകളും ബ്രാഞ്ച് കമ്മിറ്റികളുടെ പ്രവർത്തനങ്ങളും പ്രതിനിധികൾ അവതരിപ്പിക്കും. എഐസി ജനറൽ സെക്രട്ടറി ഹർസെവ് ബൈൻസ് എഐസി പ്രവർത്തന റിപ്പോർട്ട് അവതരിപ്പിക്കും.1966 സെപ്റ്റർ 18നാണ് അസോസിയേഷൻ ഓഫ് ഇന്ത്യൻ കമ്യൂണിസ്റ്റ് ബ്രിട്ടനിൽ രൂപം കൊണ്ടത്. മുൻ സിപിഎം ജനറൽ സെക്രട്ടറിയും പോളിറ്റ്ബ്യൂറോ മെംബറുമായിരുന്ന അന്തരിച്ച ഹർകിഷൻ സിങ് സുർജിത്തിന്റെ സാന്നിധ്യത്തിലായിരുന്നു ബ്രിട്ടനിൽ എഐസിയുടെ ഉദയം.

സമ്മേളനത്തിന്റെ സുഗമമായ നടത്തിപ്പിനു വിപുലമായ സ്വാഗത സംഘം രൂപീകരിച്ചിട്ടുണ്ട്. മാഞ്ചസ്റ്റർ ഡിഡ്സ്ബാറിയിലെ ബ്രിട്ടാനിയ കൺട്രി ഹോട്ടലിലെ അവ്താർ സിങ് സാദിഖ് നഗറിലാകും ഇക്കുറി സമ്മേളനം നടക്കുക. ഉച്ചക്ക് കൃത്യം പന്ത്രണ്ടയ്ക്ക് ആരംഭിക്കുന്ന സമ്മേളനത്തിൽ ഏവരെയും സ്നേഹപൂർവ്വം സ്വാഗതം ചെയ്യുന്നതായി സ്വാഗതസംഘം അറിയിച്ചു.


കൂടുതല്‍ വിവരങ്ങള്‍ക്ക് ബന്ധപ്പെടുക.
ശ്രീകുമാര്‍ ജെ എസ് :07886392327
ജോസഫ്‌ ഇടിക്കുള: 07535229938
ജനേഷ് സി എന്‍ : 07960432577
അഭിലാഷ് തോമസ്‌ ( അയര്‍ലണ്ട്):+353879221625

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.