Manoramaonline.com no longer supports Internet Explorer 8 or earlier. Please upgrade your browser.  Learn more »
sponcers

ഇന്ത്യന്‍ ഓവര്‍സീസ് കോണ്‍ഗ്രസിന്റെ യൂറോപ്പ് ഭാരവാഹികളെ പ്രഖ്യാപിച്ചു

Indian-Overseas-Congress-europe

വിയന്ന∙ കോണ്‍ഗ്രസിന്റെ പ്രവാസി വിഭാഗമായ ഇന്ത്യന്‍ ഓവര്‍സീസ് കോണ്‍ഗ്രസിന്റെ (ഐഒസി) യൂറോപ്പ് ഭാരവാഹികളെ പ്രഖ്യാപിച്ചു. ഐഒസി ഗ്ലോബല്‍ ചെയര്‍മാന്‍ സാം പിത്രോദയാണ് യൂറോപ്പ് ഭാരവാഹികളെ ഔപചാരികമായി ദൗത്യം ഏല്‍പ്പിച്ചത്.

കണ്‍വീനര്‍ ആയി സ്വിറ്റ്സര്‍ലന്‍ഡില്‍ നിന്നുള്ള രാജ് വിന്ദര്‍ സിങ്ങിനെ തിരഞ്ഞെടുത്തു. സിറോഷ് ജോര്‍ജ് (ഓസ്ട്രിയ), തന്മയ് മിശ്ര, ബാല്‍ദേവ് സിംഗ്, വേദ് പ്രകാശ് ഗുജ (മൂവരും ഫ്രാന്‍സ്), രാഹുല്‍ പതിനെട്ടില്‍ രാജ്, നിയോമ ബോറ, ഗുര്‍ദീപ് സിംഗ് രന്ദ്വ, ഹര്‍ദീപ് സിംഗ്, ഹര്‍ജിന്ദര്‍ സിംഗ് ചഹാല്‍ (എല്ലാവരും ജര്‍മ്മനി), ദില്‍ബാഗ് സിംഗ് ചന്ന, പ്രഭാജോട്ടെ സിംഗ് (ഇരുവരും ഇറ്റലി), ഗാരിസോബാര്‍ സിംഗ് ഗില്‍ (നോര്‍വേ) എലിസബത്ത് ലോറന്‍സ് (സ്വിറ്റ്സര്‍ലന്‍ഡ്) എന്നിവരാണ് നിയമിതരായ യൂറോപ്പ് കൗണ്‍സില്‍ അംഗങ്ങള്‍.

ഇന്ത്യന്‍ ഓവര്‍സീസ് കോണ്‍ഗ്രസിന്റെ ഗ്ലോബല്‍ മാനിഫെസ്റ്റോ മീറ്റ് കഴിഞ്ഞമാസം ദുബായില്‍ നടത്തിയിരുന്നു. അമേരിക്ക, യൂറോപ്പ്, മിഡില്‍ ഈസ്റ്റ് മേഖലകളില്‍ നിന്നുള്ള പ്രവാസികള്‍ പങ്കെടുത്ത സമ്മേളനത്തില്‍ പ്രവാസി ഇന്ത്യക്കാരുടെ പ്രശ്നങ്ങള്‍ നേരിട്ടു മനസ്സിലാക്കി, പ്രവാസികളുടെ യഥാര്‍ഥ പ്രശ്നങ്ങളോടു സത്യസന്ധമായ സമീപനമെന്ന ആശയം മുന്‍ നിർത്തി ഭാരവാഹികള്‍ പ്രവര്‍ത്തിക്കണമെന്ന് സാം പിത്രോദ ആഹ്വാനം ചെയ്തു.

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.