Manoramaonline.com no longer supports Internet Explorer 8 or earlier. Please upgrade your browser.  Learn more »
sponcers

തമസോ മാ ജ്യോതിര്‍ഗമയ പദ്ധതിയുമായി സേവനം യുകെ

senavam3

പമ്പ∙ നന്മയുടെ കൈത്തിരിവെട്ടം മനുഷ്യകുലത്തിനു കൈമാറുകയെന്ന ലക്ഷ്യത്തോടെ സേവനം യുകെ നടത്തുന്ന ഗുരുദേവ മൂല്യങ്ങളെ മുറുകെപ്പിടിച്ചുള്ള പ്രവര്‍ത്തനങ്ങളില്‍ ചരിത്രം കുറിച്ചു സേവനം യുകെ. ശിവഗിരി ആസ്ഥാനമായ ഗുരുധര്‍മ്മ പ്രചാരണ സഭയുടെ കീഴില്‍ ലണ്ടന്‍ കേന്ദ്രീകരിച്ച് പ്രവര്‍ത്തിക്കുന്ന സംഘടനയാണ് സേവനം യുകെ. ശബരിമല ശ്രീ ധര്‍മ്മശാസ്താവിന്റെ പൂണ്യപൂങ്കാവനമായ നിലയ്ക്കലില്‍ അധികൃതര്‍ പോലും മറന്ന ആദിവാസി വിഭാഗത്തിന് കൈത്താങ്ങാകുന്ന പ്രവര്‍ത്തനങ്ങള്‍ക്കാണ് സേവനം യുകെ തുടക്കം കുറിച്ചത്.

പമ്പ നിലയ്ക്കല്‍ ആദിവാസി കോളനിയില്‍ പോരായ്മകളുടെ ഇടയില്‍ കഴിഞ്ഞു കൂടുന്ന മലൈ പണ്ഡാര വിഭാഗത്തിന്റെ സേവനത്തിനായാണ് സേവനം യുകെ പ്രവര്‍ത്തകര്‍ എത്തിയത്. വനാന്തരങ്ങളില്‍ പ്രകൃതിയോട് മല്ലടിച്ചു കഴിയുന്ന ആദിവാസി കുട്ടികളുടെ വിദ്യാഭ്യാസ ഉന്നതി ലക്ഷ്യമിട്ട് 'തമസോ മാ ജോതിര്‍ഗമയ' എന്ന പദ്ധതിയാണ് സേവനം യുകെ നടപ്പാക്കുന്നത്. ആദിവാസി കുട്ടികളെ വിദ്യാഭ്യാസപരമായി ഉയര്‍ത്തികൊണ്ടു വരാന്‍ ആവശ്യമായ പഠനസാമഗ്രികളും ഫര്‍ണിച്ചറുകളും സൗരോര്‍ജ്ജ വിളക്കുകളുമാണ് പദ്ധതിയുടെ ഭാഗമാണ് സേവനം യുകെ ഊരിലെത്തിച്ചത്.

sevanam

നിലയ്ക്കല്‍ ആദിവാസി കോളനിയില്‍ സേവനം യുകെ കണ്‍വീനര്‍ ദിലിപ് വാസുദേവന്‍ അധ്യക്ഷത വഹിച്ച യോഗത്തില്‍ പമ്പ സിഐ വി വിജയന്‍ ഭക്ഷ്യധാന്യ വിതരണം ഉദ്ഘാടനം ചെയ്തു. ജെസി ഡാനിയല്‍ അവാര്‍ഡ് ജേതാവും, ഇടച്ചോറ്റി സരസ്വതി ദേവി ക്ഷേത്രത്തിലെ മുഖ്യ കാര്യദര്‍ശിയുമായ ശ്രീമദ് സാബു സ്വാമി ഫര്‍ണിച്ചര്‍-സൗരോര്‍ജ്ജ വിളക്കുകളുടെ കൈമാറ്റം ഉദ്ഘാടനം ചെയ്തു. വാര്‍ഡ് മെംബര്‍ രാജന്‍ വെട്ടിക്കല്‍, ട്രൈബല്‍ പ്രമോട്ടര്‍ കെഡി രതിഷ്, പ്രോഗ്രാം കോ-ഓര്‍ഡിനേറ്റര്‍ വിനു വിശ്വനാഥന്‍ എന്നിവര്‍ ചടങ്ങിനു നേതൃത്വം നല്‍കി.

senavam4

ആദിവാസി വിദ്യാര്‍ത്ഥികള്‍ക്ക് പുറമെ വൈദ്യുതി വിളക്കുകള്‍ അന്യമായ കുടുംബങ്ങള്‍ക്കും സൗരോര്‍ജ്ജ വിളക്കുകള്‍ കൈമാറി. വിദ്യാര്‍ത്ഥികള്‍ക്ക് സഹായകരമായ പുസ്തകങ്ങള്‍ക്കും ഉപകരണങ്ങള്‍ക്കും പുറമെ ഭക്ഷ്യധാന്യങ്ങളും വസ്ത്രങ്ങളും സേവനം യുകെ ഈ ചടങ്ങിലൂടെ കൈമാറി. നിലയ്ക്കല്‍ ആദിവാസി ഊരില്‍ സേവനം യുകെ നടത്തിയ സന്നദ്ധ സേവനങ്ങള്‍ വിപുലമായ

ഈ ഒരു സത്പ്രവർത്തി സേവനം യുകെക്കു വേണ്ടി ചെയ്ത കൺവീനർ ദിലീപ് വാസുദേവൻ, ബൈജു പാലക്കൽ, വിശാൽ സുരേന്ദ്രൻ,  പ്രദീഷ്, ആശിഷ് എന്നിവരോടുള്ള നന്ദിയും സേവനം യുകെ ഭരണസമിതി അറിയിച്ചു.

മലയാളി സമൂഹം സേവനം യുകെയുടെ മുന്നേറ്റത്തിനായി മികച്ച സഹകരണവും നല്‍കുന്നുണ്ട്. 

ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.